Ауған соғысы ардагерлерімен кездесу.

22 қаңтар күні Жарлыөзек ауылдық округінде Кеңес әскерінің Ауғанстан жерінен шығарылғанына 35 жыл толуына орай Мұсабек атындағы мектеп жанындағы шағын орталығы бар орта мектебінде Ауған соғысы ардагерлерімен кездесу өтті. Ауылымызда орналасқан Ауған соғысы ардагерлері құрметіне салынған саябақтағы ескерткішке гүл шоғын қоюдан бастау алды. Ауған жерінде от кешіп, қаза тапқан майдангерлерімізді 1 минут үнсіздікпен еске алып , округ әкімі құттықтау сөз сөйлеп, ардагерлерімізді алғыс хаттармен марапаттатады. Ардагерлеріміз дөңгелек үстелде бас қосып, шараға қатысқан мектеп оқушыларымен сұхбат барысында  бастарынан өткен оқиғаларымен бөлісіп, оқушылардың  қойған сұрақтарына жауап берді. Өз кезегінде Көксу ауданы Ауған соғысы ардагерлері ұйымының төрағасы М.Сейтов сөз сөйлеп ұйымдастырушыларға алғысын білдірді.